Edhe pse Shefi i Shtabit Zgjedhor të BDI-së Izet Mexhiti në një intervistë në Tv1 u mundua të arsyetohet se falë votave të BDI-së Stevo Pendarovski shënoi fitore në rrethin  e parë të zgjedhjeve presidenciale.

Sipas tij, ishin  afër 50 mijë votat shqiptare të Bashkimit Demokratik për Integrim, që shkuan në konton e Stevo Pendarovskit, mirëpo ky konstatim as për së afërmi nuk është i vërtet, sepse faktet flasin krejt ndryshe.
Nëse marrim edhe i analizojmë  të gjitha votat që  kandidati Presidencial Stevo Pendarovski mblodhi në komunat me shumicë shqiptare e vërteta është shumë e zymtë jo vetëm për Mexhitin, po për krejt BDI-në.

Tabela e më poshtme tregon shumë qartë se sa  vota shqiptare mblodhi BDI-ja, për kandidatin Presidencial   Stevo Pendarovski. Numër ky që nuk i kalon  20 deri 25 mijë vota.
Këtu duhet të kemi  në konsideratë edhe një numër të konsiderueshëm të votave të PDSH-së, së Thaçit në Tetovë, Saraj dhe Studeniçan dhe në vendbanimet tjera, si dhe të Alternativës së Gashit, kryesisht në Çair dhe Kumanovë.

1. Likovë         1669
2. Kumanovë  1300
3. Haraçinë.      895
4. Saraj              3700
5. Zhelinë          878
6. Bërvenicës.   450
7. Tearcë.           950
8. Bogovinë.     1547
9 Vrapcisht       1200

Ndërkaq, sa u përket qyteteve më të mëdhaja si Tetova, Gostivari, Kërçova, Dibra dhe  Struga, duhet theksuar se në këto qytete ka votues të konsiderueshëm maqedonas, dhe vetë LSDM-ja ka një mbështetje të konsiderueshme si dhe partitë PEI e Fiat Canoskit, partitë  rome e turke  që janë pjesë e koalicionit  të cilët poashtu kanë kontribuar në numrin e përgjithshëm të votave të grumbulluara
Shih të dhënat e mëposhtme:
Tetovë.        8203
Gostivarë    6737
Kërçovë       6973
Dibër            3160
Strugë.         7237

Andaj  pretendimet e Shefit të Shtabit të BDI-së Izet Mexhiti , nuk janë aspak të vërteta, por ky numër është dyfish më i vogël  nga pretendimet e tij dhe tendenca është të rriten numrat  për të shpëtuar sadopak imazhin e tyre para LSDM-së dhe kryeministrit Zaev.

Gjithashtu në funksion të kësaj janë edhe lajmet tendencioze të rrejshme të liferuara ditën e djeshme nga mediat e afërta me BDI-në, ku pretendohej se Prof Reka ka marrë  rreth 7000 vota të pastra maqedonase   në vendbanimet maqedonase edhe atë duke përmendur qytetet Manastirin, Krushevën, Ohrin, Prilepin Velesin e qytete tjera ku jetojnë një numër i konsiderueshëm shqiptarësh, e që këta pa fije turpi I quajtën maqedonas.  Sigurisht se lajmet e këtilla janë të qëllimshme dhe ideja ishte të tregohet se profesori Reka i mbështetur nga opozita shqiptare nuk kanë marrë 80 mijë vota shqiptare por 70000, dhe me pretendimet e tyre për 50 mijë vota të BDI-së duan që të zbusin dallimin që shqiptarët bënë me 21 prill. /fol.mk