Të gjithë ata që kanë aplikuar për lotarinë amerikane, sot do të njihen me përgjigjen e saj. Duke nisur sot nga ora 18.00, shqiptarët që kanë aplikuar mund të mësojnë nëse janë përzgjedhur si fitues apo jo. Për të parë nëse janë përzgjedhur, të regjistruarit e DV-2021 do të kenë mundësinë të përdorin numrin e tyre unik të konfirmimit të dhënë në regjistrimin  duke kontrolluar në formatin on-line “Kontrollin e Statusit të të Regjistruarve” në faqen zyrtare të E-DV-së.

Pasi të ndodheni në uebfaqen e Departamentit të Shtetit, duhet të klikoni mbi butonin “check status” e më pas të vendosni kodin unik që u është dhënë në tetor kur keni bërë edhe aplikimin. Përzgjedhja bëhet në mënyrë rastësore përmes një shorti kompjuterik.