Sipas Kodit të ndryshuar të Personave dhe Familjes, kushdo që akuzohet ose dënohet për përfshirje në homoseksualitet përballet me dy deri në pesë vjet burg ose një gjobë prej 3,600 deri në 17,800 dollarë.

AFRIKË- Ligjvënësit në Burkina Faso më 1 shtator votuan për të shpallur krim marrëdhëniet seksuale konsensuale të të njëjtit seks në vend.

Sipas Kodit të ndryshuar të Personave dhe Familjes, kushdo që akuzohet ose dënohet për përfshirje në homoseksualitet përballet me dy deri në pesë vjet burg ose një gjobë prej 3,600 deri në 17,800 dollarë.

“Ligji parashikon një dënim me burgim nga dy deri në pesë vjet, si dhe gjoba. Nëse një person është autor i homoseksualitetit ose praktikave të ngjashme, si dhe sjelljes së çuditshme, ai do të shkojë para një gjyqtari”, tha Ministri i Drejtësisë Edasso Rodrigue Bayala.

Bayala paralajmëroi vitin e kaluar tregoi se një ligj i ri do të kriminalizonte marrëdhëniet e të njëjtit seks. Meqenëse të 71 deputetët votuan për Kodin e Personave dhe Familjes, ai ligj praktikisht ka hyrë në fuqi.

Drejtoresha Rajonale e Amnesty International për Afrikën Perëndimore dhe Qendrore, Marceau Sivieude, tha se megjithëse ata mirëpresin disa dispozita të Kodit të Personave dhe Familjes — siç është përcaktimi i moshës minimale për martesë në 18 vjeç, përcaktimi i pëlqimit midis dy palëve si bazë e martesës dhe eliminimi i diskriminimit gjinor në të drejtat e trashëgimisë — masa për të kriminalizuar marrëdhëniet e të njëjtit seks është alarmante.

“Jemi të alarmuar dhe thellësisht të shqetësuar nga kriminalizimi i marrëdhënieve të të njëjtit seks midis të rriturve”, tha Sivieude. “Kjo nuk bën gjë tjetër veçse krijon diskriminim dhe shkel të drejtën për barazi para ligjit”.

Sivieude tha gjithashtu se Burkina Faso tani është në kundërshtim me Kartën Afrikane për të Drejtat e Njeriut dhe të Popujve dhe Paktin Ndërkombëtar për të Drejtat Civile dhe Politike që vendi e ka ratifikuar.

“Çdokush ka të drejtë për respekt për jetën e tij private dhe familjare dhe ta gëzojë këtë të drejtë pa frikë dhe diskriminim”, tha Sivieude. “Ne i bëjmë thirrje Presidentit Ibrahim Traoré që ta kthejë kodin në Asamblenë Legjislative Tranzitore për një rishikim përpara se ta miratojë atë në ligj.”

Frank Malaba, një aktivist LGBTQ, tha se qeveria aktuale që mori pushtetin me një grusht shteti në vitin 2022 po e shpërqendron popullsinë nga çështjet e rëndësishme. Malaba shtoi se Kodi i Personave dhe i Familjes e barazon identitetin njerëzor me aktivitetin kriminal; duke vënë në dukje se kjo bie ndesh me dhembshurinë, kohezionin shoqëror dhe vlerat e tjera afrikane.

Alex Müller, drejtor i Programit për të Drejtat LGBT në Human Rights Watch, e kategorizoi ligjin e ri si një pengesë të madhe për të drejtat LGBTQ./DOSJA.AL