Një pilot i cili uli në mënyrë të sigurt një aeroplan me 167 persona në bord pasi bëri një ulje emergjente, tani po i kërkohet të paguajë për dëmet e shkaktuara në aeroplan. Në shtator 2023, kapiteni i një avioni Airbus A320 të Ural Airlines, Sergei Belov, bëri një ulje emergjente në një fushë pranë një zone pyjore në Novosibirsk.

Aeroplani nuk arriti të arrinte në një aeroport për shkak të konsumit të tepërt të karburantit, megjithatë të gjithë 167 pasagjerët dhe anëtarët e ekuipazhit mbijetuan.
Fillimisht, pilotët u cilësuan si heronj. Por më pas ata u pushuan nga puna në heshtje. Belovin që u bë i pandehuri kryesor dhe u përball me një padi prej 1.3 milionë dollarësh nga kompania, sipas agjencisë Nexta.

Ngjarja ndodhi më 12 shtator 2023, avioni bëri një ulje emergjente pasi pilotët që raportuan një defekt në sistemin hidraulik. Megjithatë, ekspertët e aviacionit vunë re që në fillim se sistemet rezervë ishin në vend dhe e vunë në dyshim vendimin e pilotit për të ulur avionin në një fushë.

“Ka 3 sisteme hidraulike dhe një sistem elektrik”, – tha piloti Andrei Litvinov. “Nuk kishte asnjë arsye për ta ulur avionin në një fushë”. Ai komentoi se ky vendim rrezikoi jetën e atyre që ishin në bordin të avionit, si dhe të atyre në tokë.

Në mars të atij viti, media ruse Vedomosti raportoi se kompania kishte rreth 3 muaj kohë para se të detyrohej të fillonte çmontimin e avionëve për pjesë këmbimi.