Çikago, qyteti i erës

nisi sinfoninë e stinës.

Era e ftohtë më përcëlloi fytyrën,

duke më sjellë një kujtim malli nga mali i Moravës.

Në mëngjes vesha këpucët e ngrohta prej lëkure të porsa blera

shoqëruar me nënqeshjen e këpucëve të vjetra,

ngrënë  rrugicave të gurta me kalldrëm të Korçës.

Mbi supe hodha xhupin e trashë me kapuç

dhe trishtueshëm më fali një shikim ish palltoja me kuadrate

hirnosur nga vitet….

Çikago, qyteti i erës,

nisi sinfoninë e stinës,

shoqëruar së largu nga tingujt e harqeve halorë të Moravës.

Binjakëzimin Çikago –Korçë, natyra e ka bërë me kohë

para se ta firmosin titullarët bashkiakë.
Kostaq Duka

Tetor,2017