Çifti nga Pogradeci ndërron jetë pas përplasjes në SHBA, miqtë tregojnë amanetin e fundit

Një çift shqiptar nga qyteti i Pogradecit kanë humbur jetën disa ditë më parë në New Jersey të Shteteve të Bashkuara të Amerikës.
Ata janë Muhamet Oparaku 68 vjeç dhe bashkëshortja e tij Bukurie Oparaku 64 vjeç. Për ngjarjen u arrestua Donald Kumar Davis 29 vjeç, pasi përplasi me makina me shpejtësi çiftin shqiptar që sapo doli nga banesa, ndërsa ndërruan jetë në spital.
Çifti shqiptar kishte emigruar në SHBA disa vite më parë. Muhamet Oparaku kishte qenë me detyrë shef policie në Pogradec, ndërsa pas emigrimit në SHBA ishte menaxher në një kompani. Çifti Oparaku dëshirën e fundit e kishin që të preheshin në vendlindje.
“Ajo ishte shume e perulur, kishte nje zemer te madhe dhe punonte shume”, ka thene nje kolege e gruas. “Fliste anglisht me veshtiresi por punonte shume”.
Njëri nga kolegët e tij u shpreh se Oparaku ishte një njeri punëtor duke e cilësuar si menaxher të madh. “Ishin njerëz shumë të dashur dhe punëtor. Ai ishte një menaxher i madh dhe i përulur, inteligjent dhe gjithmonë i respektueshëm. Dëshira e vetme e çiftit ishte që të varoseshin në Shqipëri. Ne do të plotësojmë amanetin e tyre“