Detaje rrënqethëse mësohen rreth ngjarjes së rëndë që ndodhi sot në Himarë. Teksa një familje doli me varkë në det, zonja e shtëpisë nuk ka mundur dot të kthehet e gjallë. Viktima është identifikuar si Mirela Rama.

Familja me 3 anëtarë (bashkëshorti, bashkëshortja dhe djali) është nisur për udhëtim për të zënë peshk në mëngjes, ndërsa stuhia e fortë ka përmbytur varkën.

Varka është përmbysur dhe ka zënë gruan poshtë. Djali i saj e ka mbajtur për pak kohë në krah, ndërsa një stuhi tjetër e fuqishme ia ka marrë të ëmën nga duart.