Hashim Thaçi ka dhënë dorëheqjen nga posti i presidentit, pasi edhe ndaj tij është konfirmuar aktakuza nga Gjykata Speciale.

Këtë e ka bërë të ditur para pak çastesh përmes një konference për media.

Ai ka thënë se nuk do të lejojë që para Gjykatës të shkoj si president.

“Nuk do të lejojë që para gjyqit të dal si president prandaj për të mbrojtur integritetin e shtetit unë sot jap dorëheqje”, ka thënë ai.

“Për të mbrojtur integritetin e Kosovës, duke respektuar partneritetin me bashkësinë ndërkombëtare unë sot jap dorëheqje nga pozita e presidentit. Ndihem shume krenar për këtë përgjegjësi që e kam bartur. Në këto rrethana të reja ftoj forcat politike që të kenë maturi të mos thellojmë në krizë kushtuese apo institucionale, vendi nuk ka kohë për të humbur,  ta ruajmë qetësinë”, ka thënë ai.

Dorëheqje nga politika sot ka dhënë edhe kreu i PDK’së, Kadri Veseli, pasi edhe atij i është ngritur aktakuza.

Bashkë me Thacin e Veselin, deri tani dihet se u është konfirmuar aktakuza edhe deputetit Rexhep Selimi dhe ish-kryeparlamentarit Jakup Krasniqi.

Të gjitha të akuzuarit kanë qenë udhëheqës të Ushtrisë Çlirimtare të Kosovës. Një avion special i ka marrë ata sot pasidite rreth orës 1530 shtë për në Hagë. Në aeroplanin në të cilin u ulën ish-presidenti i Kosovës, Hashim Thaçi, kryetari i PDK-së, Kadri Veseli dhe shefi i GP të VV-së, Rexhep Selimi të shoqëruar me nga tre policë ndërkombëtarë secili bie në sy se i pari dhe i treti kanë një armiqësi të gjatë mes tyre, pikërisht për deponime të hershme lidhur me ngjarjet e luftës.

Se krerët e lartë të UÇK-së do të merreshin të pandehur në Hagë u konfirmua që në qershorin e shkuar kur presidenti i Kosovës po bëhej gati të nisej në një takim Serbi Kosovë në shtëpinë e Bardhë.

Në një njoftim për shtyp, që prokurorët bënë të ditur se ata akuzoheshin se janë përgjegjës për rreth 100 vrasje. Krimet mbi të cilat janë ngritur akuzat përfshijnë qindra viktima të njohura shqiptarësh, serbësh, romësh të Kosovës, përfshirë dhe kundërshtarë politikë të tyre. E çuditshme është se vendmet e Gjykatës speciale koinçidojnë me ngjarje politike. Atktakuza u shpall para Takimit të nivelit të lartë me Vuçiçin në Uashington, ndërsa marrja si të pandehur pas përfundimit të zgjedhjeve amerikane ku me sa duket presidenti Trump ka dalë humbës.

©lapsi.al