Grupi i parë i vaksinave COVID-19 mbërriti në Aeroportin Ndërkombëtar O’Hare të Çikagos me një fluturim të United Airlines nga Brukseli, Belgjikë, ka raportuar NBC News .

Siç raportohet , një burim tha se “United Airlines tashmë ka kryer fluturimin e saj të parë të ngarkuar per në Shtetet e Bashkuara nga Brukseli në Çikago me vaksinën në bord.”

Sidoqoftë, mbeti e paqartë se sa doza ishin në bord ose kur saktësisht dërgesa e ngarkesave mbërriti në O’Hare.

United Airlines nuk konfirmoi asnjë detaj në lidhje me fluturimin, por në një deklaratë tha, “United Cargo krijoi një Ekip të Detyrave të Gatishmërisë COVID në fillim të kësaj vere për të siguruar që të kemi njerëzit, produktet, shërbimet dhe partneritetet e duhura për të mbështetur një përpjekje për shpërndarjen e vaksinave në shkallë globale “.

Pfizer ende po kërkon miratimin e përdorimit emergjent nga Administrata e Ushqimit dhe Barnave në Sh.B.A. Gjiganti farmaceutik përfundoi provën e fazës së tretë dhe zbuloi se vaksina ishte 95% për qind.

Një takim urgjent është caktuar për javën e ardhshme. Këshilltarët e CDC planifikojnë të takohen të Martën për të votuar se kush duhet të jetë i pari që do të bëjë vaksinën.