Nën një atmosferë festive u inagurua mbrëmjen e kësaj të premteje  Radisson Colllection Morina Hotel Tirana. Oazi i luksit, i pozicionuar prane Liqenit të Thatë, premton ta çojë turizmin në kryeqytet, në një tjetër nivel.

Investimi marramendës vjen nga Julian Morina, i cili tregon se punimet e këtij hoteli janë tepër kualitative dhe të vlerësuara nga brandi ndërkombëtar Radisson Collection.

E pranishme në event ishte edhe ministrja e Turizmit dhe Mjedisit, Mirela Kumbaro, e cila shprehu krenari që Tiranës i është shtuar një investim i këtij lloji, duke certefikuar Radisson Collection Morina hotel, në radhën e hoteleve me 5 yje.

Të pranishëm gjatë festës ishin edhe kryeministri Rama, kryebashkiaku Veliaj si edhe biznesmenë të njohur. Mbrëmja u mbyll me prerjen e shiritit dhe fishekzjarrët shumëngjyrësh, të cilët i hapën rrugën të gjithë atyre vizitorëve që janë në kërkim të luksit, komoditetit dhe perfeksionit.