Kancelari austriak Karl Nehammer tha të dielën se do të takohet me presidentin rus Vladimir Putin në Moskë të hënën.

“Unë do të takohem me Vladimir #Putin në Moskë nesër. Ne [Austria] jemi ushtarakisht neutralë, por kemi një qëndrim të qartë për luftën e agresionit rus kundër #Ukrainë,” tha Nehammer në llogarinë e tij zyrtare në Twitter.
Nehammer bëri thirrje gjithashtu për korridoret e evakuimit, një armëpushim dhe një “hetim të plotë të krimeve të luftës”.

Ai tha se presidenti ukrainas Volodymyr Zelensky, liderët e BE-së dhe presidenti turk Recep Tayyip Erdoğan janë informuar për takimin me Putin.