Të paktën 10 persona janë vrarë dhe 15 janë plagosur në një seri sulmesh me thikë në provincën kanadeze të Saskatchewan.
Policia emëron dy të dyshuar si Damien Sanderson dhe Myles Sanderson dhe thotë se aktualisht janë në arrati.
Policia Mbretërore Kanadeze thotë se ata mund të jenë në një automjet të zi Nissan Rogue
Anëtarët e publikut paralajmërohen të mos iu afrohen të dyshuarve dhe të strehohen në vend nën alarmin e një personi të rrezikshëm
Kryeministri kanadez Justin Trudeau i përshkruan sulmet si “të tmerrshme dhe zemërthyese”.

Rhonda Blackmore, oficere komanduese për Saskatchewan RCMP tha se disa njerëz mund të jenë shënjestruar nga dy të dyshuarit, ndërsa të tjerët besohet se janë “sulmuar rastësisht”.

Thirrja e parë e urgjencës u bë në polici në orën 05:40 me kohën lokale të dielën (11:40 GMT) në kryeqytetin provincial Regina, rreth 280 km (173 milje) në jug të Weldon, shpjegoi ajo.

Kjo u pasua shpejt nga shumë thirrje të tjera për ndihmë, duke u shndërruar në një “ngjarje që shpaloset me shpejtësi”.

Të dyshuarit u panë për herë të fundit nga anëtarët e publikut në Regina rreth drekës të dielën.

“Të dyshuarit mund të jenë në një makinë të zezë Nissan Rogue,” tha zonja Blackmore, duke paralajmëruar këdo që i sheh burrat të qëndrojë larg.

“Ata konsiderohen të armatosur dhe të rrezikshëm… Nëse i shihni të dyshuarit apo automjetin e tyre, mos iu afroni, dilni menjëherë nga zona dhe telefononi 911”.

Ajo tha se “vendndodhja dhe drejtimi i udhëtimit të të dyshuarve nuk dihet”, duke shtuar: “Kjo është arsyeja pse ne kemi nevojë që të gjithë në provincë të qëndrojnë vigjilentë”.

Dhe ajo theksoi se policia “po i kushtonte një numër maksimal burimesh këtij hetimi”.