Të paktën pesë persona u vranë dhe tetë të tjerë u plagosën nga të shtënat në një bankë në qendër të qytetit Louisville,të hënën në mëngjes, tha policia. Personi i dyshuar i armatosur ka ndërruar jetë në vendngjarje.

Paul Humphrey, zëvendës shefi i Departamentit të Policisë së Metrosë në Louisville, tha se policia mori telefonata rreth orës 8:30 të mëngjesit në lidhje me të shtënat në Bankën e Vjetër Kombëtare dhe kur mbërritën në vendngjarje, “ata takuan të dyshuarin pothuajse menjëherë, ende duke gjuajtur me armë zjarri. .

Shefi Humphrey tha se personi i armatosur, emri i të cilit nuk u bë i ditur menjëherë, u konfirmua i vdekur në vendngjarje. “Ne nuk i dimë saktësisht rrethanat e vdekjes së tij në këtë moment,” tha ai. Nuk ishte menjëherë e qartë nëse personi i armatosur përfshihej në mesin e pesë të vrarëve.