Përveç Senatit, vëmendja është përqendruar edhe te Dhoma e Përfaqësuesve, ku projeksionet e cituara në raport i japin demokratëve mundësinë të sigurojnë të paktën 223 nga 435 mandatet.
Amerikanët janë vetëm pak orë larg zgjedhjeve të mesmandatit, të cilat pritet të përcaktojnë balancat e pushtetit në Kongres dhe ndikimin e tyre në vijimësinë politike të administratës së Presidentit Donald Trump.
Sipas sondazhit të fundit të Fox News, demokratët kanë avantazh në 48 vende në Senat, ndërsa republikanët në 45. Gara është ngushtuar edhe në disa shtete tradicionalisht republikane, mes tyre Kansas, Nebraska, Ohio, Karolina e Jugut dhe Misisipi. Në Kansas, përballja mes republikanit Roger Marshall dhe demokratit Adam Hamilton konsiderohet e hapur.
Në orët e fundit të fushatës, Presidenti Donald Trump zhvilloi takime elektorale në Iowa dhe Kansas, ku u bëri thirrje qytetarëve të votojnë për kandidatët republikanë. Trump theksoi se ruajtja e shumicës në të dyja dhomat e Kongresit do t’i mundësonte administratës së tij të vijonte zbatimin e politikave nën moton “Amerika e Para”.
Përveç Senatit, vëmendja është përqendruar edhe te Dhoma e Përfaqësuesve, ku projeksionet e cituara në raport i japin demokratëve mundësinë të sigurojnë të paktën 223 nga 435 mandatet.
Në këto zgjedhje janë në garë të 435 vendet e Dhomës së Përfaqësuesve, 35 nga 100 vendet në Senat, si dhe 36 poste guvernatorësh në të gjithë Shtetet e Bashkuara.
Interesi i lartë për procesin elektoral reflektohet edhe në pjesëmarrjen paraprake. Mbi 52 milionë amerikanë kanë votuar përmes postës ose në qendrat e votimit të parakohshëm, duke tejkaluar shifrën prej 46 milionë votash të regjistruara në zgjedhjet e vitit 2022.
Një vëmendje e veçantë i kushtohet Teksasit, shtet tradicionalisht republikan, ku mbi 7.4 milionë qytetarë, ose rreth 39 për qind e votuesve të regjistruar, kanë votuar paraprakisht. Pjesëmarrja në qytete të mëdha si Houston dhe Dallas po ndiqet nga afër për shkak të rëndësisë që mund të ketë në garën mes dy kampeve politike.
Ndërkohë, zgjedhjet e këtij viti po shënojnë rekorde edhe në aspektin financiar. Shpenzimet për reklama dhe organizimin e fushatave kanë arritur të paktën 11.6 miliardë dollarë, duke i renditur ato ndër zgjedhjet e mesmandatit më të kushtueshme në historinë moderne të SHBA-së.
Leave a Reply