Një aksident i rëndë hekurudhor ka ndodhur sot (8 nëntor 2026) në provincën e Gizës, në Egjipt, ku janë konfirmuar të paktën 7 të vdekur dhe 112 të plagosur sipas raportimeve të Ministrisë së Shëndetësisë.
Një tren pasagjerësh që udhëtonte nga Giza për në Fayoum u përplas me pjesën e pasme të një treni tjetër pasagjerësh që udhëtonte nga Kajro për në Asuan
Disa vagonë dolën nga shinat dhe u përmbysën, duke lënë dhjetëra pasagjerë të bllokuar. Në mesin e viktimave raportohet të jetë edhe drejtuesi i trenit. Ekipet e emergjencës dërguan rreth 50 ambulanca dhe përdorën vinça të rëndë dhe makineri për të ngritur vagonët e përmbysur dhe për të transportuar të plagosurit në spitalet e afërta. Autoritetet egjiptiane kanë nisur një hetim zyrtar për të përcaktuar shkaqet e përplasjes
Rrjeti hekurudhor i Egjiptit njihet historikisht për probleme të mirëmbajtjes, dhe pikërisht ky rajon (Al-Ayyat) ka qenë skenë e tragjedisë më të madhe hekurudhore të vendit në vitin 2002.
Leave a Reply