Sot 66…
Zot-o ZOT !
Zot-o Zot sa jam i lodhur,

shumë kam mbjellë e pak kam korrur,

mbolla shumë e në çdo stinë,

dhe jo vetëm një lëndinë!
Shumë lëndina mbolla herët,

erdhën i korrën të tjerët,

eh-ç’më gjeti-Zot-o Zot,

mbolla shumë e s’korra dot!..
Mbolla-po mbeta i varfër,

se s’m’u ndodh, për dreq, një drapër,

më dëgjo-po mos e fol,

s’kam të blej një arkivol!
Ndaj do rroj sa një gogol,

s’kam ku shkoj pa arkivol,

se unë s’jam e s’jam një horr,

arën e tjetrit të korr!
Arben Duka