Engel dhe Menendez i shkruajnë Pompeos në lidhje me qasjen e administratës Trump ndaj Serbisë dhe Kosovës

Nga Nacionale -13 Prill 2020

Letra drejtuar Pompeos shpreh shqetësimin në lidhje me taktikat e rënda të administratës me Kosovën ndërsa anashkalojnë përpjekjet për çnjohje të së Serbisë dhe lidhjet e saj me Rusinë

13 Prill 2020

Uashington — Përfaqësuesi Eliot L. Engel, Kryetari i Komitetit për Punë të Jashtme në Kongres dhe Senatori Bob Menendez, Anëtar i Komitetit të Senatit për Marrëdhëniet e Jashtme, sot i bëri thirrje administratës Trump që të vazhdojë mbështetjen diplomatike për të zgjidhur konfliktin Kosovë-Serbi në një mënyrë që është e drejtë për të dy vendet dhe në përputhje me ligjet e SHBA-së dhe politikën e saj afatgjatë. Në një letër drejtuar Sekretarit të Shtetit Mike Pompeo, ligjvënësit paralajmëruan se qasja me dorë të rëndë e Administratës ndaj Kosovës penalizon padrejtësisht qeverinë e re të vendit dhe se fushata e çnjohjeve të Serbisë kundër Kosovës dhe lidhjet e saj të ngushta me Kremlinin janë kryesisht të pakontrolluara.Sh.B.A. ka ndërmarrë një qasje me dorë të rëndë ndaj qeverisë së zgjedhur në Kosovë. Ndërsa jemi dakord që tarifat e Kosovës për mallrat serbe – të cilat tani janë hequr – dëmtojnë kryesisht Kosovën dhe qytetarët e saj, ky mjet është përdorur nga qeveritë në të gjithë botën, duke përfshirë edhe  administratën Trump. Kosova është një aleat i ngushtë i Shteteve të Bashkuara, dhe ne ju bëjmë thirrje që të adoptoni një qasje të durueshme dhe konstruktive me qeverinë e saj të zgjedhur demokratike, ”shkroi Engel dhe Menendez.