Qindra punëtorë në Bangladesh kanë dalë në rrugë në kundërshtim të rregullave të distancimit shoqëror për të kërkuar paga të papaguara gjatë mbylljes Covid-19.

Vendi, i cili është prodhuesi i dytë më i madh në botë i veshjeve pas Kinës, parashikohet të humbasë rreth 6 bilion $ (4,8 bilion £) e të ardhurave nga eksporti këtë vit financiar, pasi shitësit dhe markat në të gjithë botën anulojnë urdhrat.

Turma e punëtorëve u derdh në rrugët e qytetit në portin Chittagong të shtunën, duke thënë se ata ende ishin duke pritur për pagat e muajit të kaluar. Policia bisedoi me një pronar të fabrikës i cili kishte premtuar të bënte pagesa deri në 28 prill, tha një zyrtar lokal raporton “The Guardian”.

Muajin e kaluar qeveria e Bangladeshit nisi një paketë 588 milion dollarë për të ndihmuar kompanitë në sektorin e veshjeve të paguajnë stafin gjatë pandemisë, por prodhuesit kanë thënë që nuk është e mjaftueshme.

Bangladeshi raportoi 306 raste të reja të koronavirusit dhe nëntë vdekje të tjera ditën e sotme, duke e çuar numrin total të të infektuarve në 2,144 raste të konfirmuara dhe 84 vdekje.

Megjithëse shifrat zyrtare janë relativisht të ulëta në krahasim me vendet e tjera, zyrtarët shëndetësorë kanë paralajmëruar se infeksioni ende mund të përhapet me shpejtësi në rajonin përreth Azisë Jugore.