Detaje të reja nga ngjarja makabre e ndodhur në 31 dhjetor, ku shqiptari i Maqedonisë së Veriut Përparim Tela vrau dy motrat Kristina dhe Zhaneta me breshëri plumbash, kanë dalë në dritë. Vëllai i tyre, Bashkim Metani në një rrëfim për emisionin “Shqipëria Live” ka thënë se dy motrat janë përdorur prej shumë kohësh për prostitucion nga Tela.

Në rrëfimin e tij, Metani ka thënë se shqiptari i Maqedonisë së Veriut i ka strehuar për një kohë në shtëpinë e tij dy motrat dhe u merrte atyre qira. Në këtë shtëpi jetonte edhe gruaja e Telës. Përvecc kësaj ai ka shtuar hollësi të tjera, duke thënë se Tela i përdorte dy motrat, po ashtu edhe për trafikim fëmijësh. Sipas Metanit, pasi ai i linte shtatzënë ato, Tela u merrte fëmijët dhe i shiste në Greqi. Në bazë të deklaratës së tij janë të paktën 10 fëmijë që Përparimi ka trafikuar në Selanik.