Dy prej atyre ndaj të cilëve SPAK ka prerë fletë arresti si pjestarë të bandës së Suel Çelës janë edhe dy vëllezër, Marsel dhe Xhino Roka, qw i’u panë sot për herë të parë në media.

Në nentor të vitit të shkuar, motra e tute u emërua në krye të Agjencisë së Zhvillimit të Territorit. Një burim pranë qarqeve të qeverisë tha pwr Lapsi.al se ajo është një kandidaturë që u ndikua nga eminenca gri, i njohur si “Gysi”. Ajo erdhi në këtë post në vend të Ledia Tota, një arkitekte e diplomuar në Politeknikumin e Torinos.  

Gaz Bardhi ka bërë një reagim duke u nisur nga njeriu afër Ramës.

“Kush e emëroi motrën e anëtarëve të bandës së Elbasanit në krye të agjencisë më të rëndësishme shtetërore, në një nga sektorët që rezulton të jetë më i përdoruri për të pastruar paratë e organizatave kriminale – sektori i ndërtimit? Znj. Drejtoresha e Përgjithshme e Agjencisë së Zhvillimit të Territorit, vartëse direkte e Kryeministrit Edi Rama, rezulton se është njëkohësisht edhe motra e dy prej anëtarëve të Bandës së Elbasanit Marsel dhe Xhino Roka. SPAK duhet të hetojë kush ia propozoi Edi Ramës emërimin e saj si Drejtore e Përgjithshme e AZHT dhe pse Edi Rama e emëroi menjëherë dhe pa asnjë kundërshtim”?

Ky detaj që ka veçuar Bardhi është një deduksion logjik i asaj që dinë faktikisht të gjithë, se politika përdor bandat për interesat e saj dhe këtë ua shpërblen duke i dhënë mundësinë të pastrojnë përmes ndërtimit paratë e përfituara nga aktivitetet e tyre kriminale. Vitet e fundit AZHT dhe Këshilli Kombëtar i Territorit kanë qenë në qendër të debateve publike për hovin e madh të lejeve të ndërtimit, veçanërisht në kryeqytet dhe në zonat bregdetare të vendit, ndonëse këto institucione mbulojnë vetëm anën tenkike dhe vendimarrja për kullat shumëkatëshe në Tiranë apo resortet që betonizojnë bregdetin është ekzkluzivisht politike. Por “rastësisht” në këtë vend u emerua në nëntor 2023 një drejtoreshë me lidhje indirekte me grupin e Suel Çelës, e cila kishte mundësinë që për llogari të tij, të hante kumblla dhe dardha pas shpinës së njeriu të vetëm që vendos për çdo leje ndërtimi në këtë vend. 

©Lapsi.al