Presidenti i Sirisë Bashar al-Assad dhe familja e tij kanë mbërritur në Rusi. Agjencia e lajmeve Reuters njoftoi pak minuta më parë se atyre u është dhënë azil nga autoritetet ruse. Lajmi u konfirmua edhe nga agjencitë ruse të lajmeve duke cituar një burim të Kremlinit.Agjencia e lajmeve Interfax citoi një burim të paidentifikuar që thoshte: “Presidenti i Sirisë Assad ka mbërritur në Moskë. Rusia u ka dhënë atyre (atij dhe familjes së tij) azil për arsye humanitare.” Largimi i Assad-it nga Damasku erdhi pasi vendi u mor në dorë nga rebelët.